Vegan pestó

Ég man þegar ég smakkaði spínat lasagna á Gló í fyrsta skiptið. Ofan á þessu annars frábæra lasagna var mjög ríflegur skammtur af grænu pestói sem var eitthvað það allra dásamlegasta og bragðbesta pestó sem ég hef smakkað. Ég reyndi eins og ég gat að kryfja bragðið og innihaldið í huganum (eins og ég geri alltaf ef ég fæ eitthvað sem mér finnst gott), en það var eitthvað bragð þarna sem ég gat ekki alveg borið kennsl á.

Seinna þegar ég var að leita á vefnum af hráfæði pestó rambaði ég á uppskrift frá Sollu, kennd við Gló og Grænan kost, og ég áttaði mig strax á því að þetta væri pestóið góða. Innihaldið sem ég hafði ekki borið kennsl á var næringarger, sem fyrir þá sem ekki vita er algent bragðefni í vegan mat og gefur honum mjög mikið umami – ásamt því að innihalda B12. Ég mæli sterklega með því að fjárfesta í dós af næringargeri, það passar við næstum allt og er svo gott að það er hægt að skófla því í sig eintómt með skeið.

Hér er upprunalega uppskriftin hennar Sollu, grænkerasnillings: https://hringbraut.frettabladid.is/frettir-pistlar/uppskriftir-fra-sollu-i-glo/

Mín útgáfa er örlítið öðruvísi